“Yang Ming” yeni konteynerlər sifariş edir
“Yang Ming” şirkəti Honkonqda yerləşən “Dong Fang International Container”-ə 18600 konteyner sifariş edib.
“Seanews.az”-ın məlumatına görə, gəmiçlik şirkəti yeni konteynerlərə 95-105 milyon dollar xərcləməyi düşünür.
“Yang Ming” şirkəti müntəzəm olaraq istismara yeni konteyner gəmiləri qəbul etdiyi üçün daha çox konteynerə ehtiyac duyur.
Xatırladaq ki, “Yang Ming” yazda LNG ilə işləyəcək beş 15 min TEU-luq konteyner gəmisinin tikintisini sifariş edib.
Qeyd edək ki, “Yang Ming” hazırda donanmasının 686,2 min TEU ümumi tutumu ilə doqquzuncu ən böyük layner operatorudur, bunun da 216 min TEU-su onun öz konteyner gəmilərinin ümumi tutumudur.
© Materiallardan istifadə edərkən hiperlinklə istinad olunmalıdır
