Ən çox quru yük gəmiləri, konteynerdaşıyanlar, tankerlər, bərələr, laynerlər və hərbi gəmilər skrubberlərlə təchiz edilib
“Acumen Research and Consulting”-in yeni hesabatına görə, 2030-cu ilə qədər skrubberlər (qaz təmizləyici cihazlar) üçün qlobal bazar təxminən 16,4 milyard dollara çatacaq. 2022-ci ildən 2030-cu ilə qədər orta illik artımın 18% olacağı proqnozlaşdırılır. 2021-ci ildə bazar 3,6 milyard dollar dəyərində qiymətləndirilib.
“Seanews.az” xəbər verir ki, 2021-ci ildə Avropa bazarı 30%-dən çox payla lider olub. Belə böyük pay Avropa İttifaqının ciddi tələbləri, eləcə də regionda ən böyük gəmiçilik şirkətlərinin olması ilə izah olunur.
İkinci yer əsasən hərbi və dəniz gəmilərinin dövlət büdcəsindən maliyyələşdirilməsi hesabına Şimali Amerika bazarına aiddir.
Daha sonra Asiya-Sakit okean regionu gəlir. Bu bölgədəki skrubber bazarının yaxın illərdə ən yüksək artım tempinə sahib olacağı proqnozlaşdırılır. Bu, ilk növbədə Çin, Yaponiya və Cənubi Koreyada gəmiqayırmanın artması, eləcə də çirklənməni azaltmaq üçün regional proqramların tətbiqi ilə bağlıdır.
Hesabatda qeyd olunur ki, açıq və qapalı dövrü birləşdirən hibrid sistem müəyyən edilmiş müddət ərzində skrubberlərin istehsalına səbəb olacaq.
2021-ci ildə ən çox quru yük gəmiləri, konteynerdaşıyanlar, tankerlər, bərələr, laynerlər və hərbi gəmilər skrubberlərlə təchiz edilib.
Modernləşdirilmiş gəmilər 2021-ci ildə qaz təmizləyiciləri bazarında əhəmiyyətli bir paya sahib idi və gələcək illərdə də belə olacağı gözlənilir.
