Batmış gəmilər araşdırılır
Mütəxəssislər bu il batmış 20 gəmini tədqiq etməyi planlaşdırırlar. Üç il ərzində bölgədə 50-dən çox batmış gəmi və onların qalıqları zərərsizləşdirilməlidir.
“Seanews.az” xəbər verir ki, Saxalin Nəqliyyat Nazirliyi batmış gəmilərin inventarizasiyasını aparıb. İndi ixtisaslaşmış mütəxəssislər liman akvatoriyasını hərtərəfli yoxlayır, batmış gəmilərin gələcəkdə qaldırılması və zərərsizləşdirilməsi üçün rəqəmsal reestrlər tərtib edirlər.
“Meteor” MMC-nin inkişaf direktoru Aleksandr Stepanovun sözlərinə görə, havadan obyektlərin fotoqrammetrik çəkilişi aparılıb, batmış obyektlərin yerüstü və sualtı hissələri tədqiq edilib.
“Bu işlərin nəticələrinə əsasən gəmilərin bərpası tədbirlərinin sonrakı layihələndirilməsi və akvatoriyanın kompleks təmizlənməsi üçün aşkar edilmiş bütün obyektlərin yüksək dəqiqliyə malik georeferensial 3D modelləri yaradılacaq”, - o qeyd edib.
