“DP World” keçən il xaricdəki logistika aktivlərinə 320 milyon dollar sərmayə qoyub
2012-ci ildən bəri “DP World” beynəlxalq logistika seqmentinin inkişafına 10 milyard dollardan çox sərmayə qoyub və bu, şirkətin dünyada ilk beş investor sırasında yerini təmin edib.
Eyni zamanda, 2022-ci ildə şirkətin investisiyaları 320 milyon dollar təşkil edib.
Ötən 11 illik müddət ərzində Afrika qitəsi” DP World”-un fəaliyyətinin əsas istiqaməti olub: Ndayane limanının (Seneqal) inkişafına 1 milyard dollar xərclənib. Bu, “DP World” tərəfindən Afrikadakı aktivlərə ən böyük investisiya və Seneqal tarixində ən böyük özəl sərmayədir. Yalnız Dakar limanının genişləndirilməsi layihəsinin maliyyələşdirilməsi Seneqalda ÜDM-in 10% artımını təmin edib. Yeni liman Seneqalın Qərbi Afrikada ticarət mərkəzi kimi mövqeyini gücləndirəcək və onun inkişafına töhfə verəcək.
Böyük Britaniya “DP World”-un investisiyaları üçün daha bir mühüm sahəyə çevrilib. Son on ildə şirkət ölkədə terminalların inkişafına 2,45 milyard dollar xərcləyib. Növbəti 10 ildə Dubaydan olan terminal və logistika operatoru daha 1,23 milyard dollar ayıracaq. “London Gateway”-də 4 nömrəli yanalma körpüsü tikilir. Layihənin dəyəri 428 milyon dollar qiymətləndirilir.
Rumıniyada “DP World” şirkəti Konstansa limanında yeni infrastruktur, o cümlədən RO-RO yüklərinin idarə edilməsi üçün terminal qurur. 2023-cü ilin sonunda Kalyao limanında (Peru) tikintinin başa çatdırılması burada Cənubi Amerikanın ən böyük terminallarından birini yaratmağa imkan verəcək.
2022-ci ildə tərəfdaşlığın genişləndirilməsi “DP World” üçün əsas prioritetlərdən birinə çevrildi. Belə ki, şirkət Afrikaya investisiyaları sürətləndirmək üçün Britaniya Beynəlxalq İnvestisiya Qrupu ilə birlikdə yeni investisiya platforması yaradıb. O, həmçinin Hindistanın Milli İnfrastruktur İnvestisiya Fondu (NIIF) ilə əlaqələrini genişləndirərək təxminən 300 milyon dollar cəlb edib.
“DP World” (Dubay, BƏƏ) aparıcı beynəlxalq dəniz terminalı operatorlarından biridir və logistika və digər xidmətlərin təminatçısıdır. “DP World”-in aktivlərinə altı qitədə 45-dən çox liman ölkəsində 150-dən çox fəaliyyət göstərən dəniz terminalı daxildir. Liman operatoru konteynerlərin idarə edilməsi üzrə ixtisaslaşmışdır.
“Seanews.az”
