Hedland limanının yük dövriyyəsi artıb
2024-cü ilin yanvar-iyun aylarında Avstraliyanın Hedland limanının yük dövriyyəsi əvvəlki illə müqayisədə 4% artaraq 291 milyon ton təşkil edib.
“Seanews.az” xəbər verir ki, bu dövr ərzində Hedlanddan təxminən 287,45 milyon ton dəmir filizi ixrac edilib.
Filiz əsasən Çinə göndərilib. Bundan əlavə, Vyetnam, İndoneziya, Tayvan və Cənubi Koreyaya da daşımalar həyata keçirilib.
Qeyd edək ki, Hedland limanı dəmir filizi ixracı üçün Avstraliyanın əsas yükaşırma mərkəzidir. 2023-cü ildə Hedland limanının yük dövriyyəsi 2% azalaraq 555,9 milyon tona düşmüşdü.
© Materiallardan istifadə edərkən hiperlinklə istinad olunmalıdır
