"NYK" üç tarixi gəmi şirkətini birləşdirərək yeni yük daşıma nəhəngi yaradır
Yaponiyanın" Nippon Yusen Kaisha" (NYK) şirkətinə daxil olan üç gəmiçilik və gəmi idarəetmə şirkəti — "Asahi Shipping", "Hachiuma Steamship" və "Mitsubishi Ore Transport" birləşərək fəaliyyətlərini inteqrasiya edəcək.
"Seanews.az" xəbər verir ki, yeni şirkət "NYK Bulkship Partners" adlanacaq və rəsmi olaraq gələn il aprelin 1-dən fəaliyyət göstərəcək.
Bu qurum 21 gəmi üzərində tam mülkiyyət hüququna sahib olacaq və əlavə olaraq 90 gəmiyə idarəçilik xidmətləri göstərəcək.
Yeni şirkətə "Mitsubishi Ore Transport"-un hazırkı prezidenti Koichi Uragami rəhbərlik edəcək.
Birləşmə nəticəsində Yaponiyanın gəmiçilik tarixində bir çox məşhur brendlər fəaliyyətini dayandıracaq. Məsələn, "Asahi Shipping" 1946-cı ildə yaradılıb və 2002-ci ildə NYK tərəfindən alınmışdı. "Hachiuma Steamship" isə tarixi 1861-ci ilə gedib çıxır və 1964-cü ildən "NYK"-nın tərkibindədir.
