La Manş boğazı ilə Britaniyaya gələn miqrantların sayı artıb
Bu il La Manş boğazını keçərək Britaniya adalarına keçən qeyri-qanuni miqrantların sayı bütöv 2021-ci ilin göstəricisini keçib.
Oxu.az xəbər verir ki, artıq onların sayı 28 561 nəfərə çatıb və artmqda davam edir. Halbuki, ötən il ölkəyə bu yolla 28 530 nəfər gəlib.
Aprelin əvvəlində Böyük Britaniya və Ruanda qeyri-qanuni miqrantların bu ölkəyə deportasiya ediləcəyi barədə miqrasiya müqaviləsi imzalayıb. Lakin bu da onların sayının azalmasına kömək olmayıb.
Qeyd edək ki, La Manş vasitəsilə krallığa gələn miqrantların sayında artım tendensiyası 2018-ci ildən başlayıb.
© Materiallardan istifadə edərkən hiperlinklə istinad olunmalıdır
