“FESCO” gəmiçilik şirkəti Argentinanı hədəfləyir
“FESCO” gəmiçilik şirkətinin Direktorlar Şurasının sədri Andrey Severilov Argentina Respublikasının fövqəladə və səlahiyyətli səfiri Eduardo Antonio Zuayn ilə görüşüb.
“Seanews.az”-ın məlumatına görə, Argentina tərəfdən tədbirdə ticarət və iqtisadiyyat departamentinin rəhbəri Franko Ruqyero da iştirak edib.
Görüşdə tərəflər Argentinadan Rusiyaya intermodal yükdaşımaları sahəsində əməkdaşlığın inkişafı üzrə praktiki addımları müzakirə ediblər. Bu məqsədə nail olmaq üçün qrup dəniz konteyner xətlərindən istifadə də daxil olmaqla yeni logistik marşrutlar hazırlamaq niyyətindədir.
Bundan əlavə, A. Severilov və E. A. Zuiay “FESCO” və Argentina Biznes Palatasının himayəsi altında Rusiya və Argentina biznes nümayəndələri üçün konfransın təşkili imkanlarını nəzərdən keçirmək barədə razılığa gəliblər.
