“Damen” külək stansiyalarına xidmət etmək üçün hidrogenlə işləyən gəmilər inşa edəcək
“Damen Shipyards” şirkəti hidrogendən bunker yanacağı kimi istifadə edən dəniz külək stansiyalarının (“Commissioning Service Operation Vessels” – “CSOV”) istismara verilməsi və saxlanılması üçün innovativ gəmilərin tikintisi sifarişi alıb.
Sifarişçi heyətin dəniz obyektlərinə çatdırılması üzrə ixtisaslaşmış “Windcat” şirkətidir. “Damen” qrupunun “SeaNews”-a verdiyi məlumata görə, layihə “Windcat” və “CMB.TECH” ilə əməkdaşlıqda hazırlanıb.
“Elevation Series” seriyasından “CSOV”-lərin uzunluğu 87 metr, eni 20 metr və sərnişin tutumu 120 nəfər olacaq. Tikinti Vyetnamdakı “Ha Long” gəmiqayırma zavodunda aparılacaq. Çatdırılma 2025-ci ilə planlaşdırılır.
Müqavilə əlavə gəmilərin seçimi ilə iki gəminin tikintisini nəzərdə tutur. “Gəmiləri “Windcat”-ın yeni törəmə şirkəti “Windcat Offshore” idarə edəcək.
“CSOV” gəmilərinin bir xüsusiyyəti də ondan ibarətdir ki, işçi heyətini və lazımi materialları külək stansiyalarına çatdırmaqla yanaşı, həm də 30 günə qədər iş yerində qalaraq işçilər və texniki işçilərə üzən otel kimi xidmət göstərir.
“Seanews.az”
