Norveç altı “MH-60R Seahawk” çoxməqsədli dəniz helikopteri sifariş edib
Norveç mövcud NH90 dəniz helikopter parkını əvəz etmək üçün altı ədəd “MH-60R Seahawk” sifariş edib.
AZƏRTAC xəbər verir ki, bu barədə Norveç Müdafiə Nazirliyi məlumat yayıb.
Bildirilib ki, ilk yeni helikopterin çatdırılması 2025-ci ildə həyata keçiriləcək. Yeni helikopterlər Norveçin ötən ilin iyununda istifadəsini dayandırdığı NH90-ları əvəz edəcək.
İlkin olaraq helikopterlərin Norveç Sahil Mühafizəsi tərəfindən istifadə ediləcəyi gözlənilir, lakin sonradan onların sualtı qayıqlara qarşı əməliyyatlar üçün də uyğunlaşdırılması planlaşdırılır.
Müdafiə Nazirliyinin hesablamalarına görə, satınalmanın ümumi dəyəri təxminən 12 milyard NOK (1,1 milyard ABŞ dollarından çox) təşkil edir.
© Materiallardan istifadə edərkən hiperlinklə istinad olunmalıdır
