Yeni FLNG üzən qurğu üçün membran möhürləmə sistemi ilə təchiz edilmiş anbarın layihəsi hazırlanacaq
Fransanın “Gaztransport & Technigaz” (“GTT”) şirkəti yeni FLNG üzən qurğu üçün membran möhürləmə sistemi ilə təchiz edilmiş anbarın layihəsini hazırlayacaq.
“Seanews.az”-ın məlumatına görə, gəmi Cənubi Koreyanın “Samsung Heavy Industries” şirkəti tərəfindən adı açıqlanmayan Asiya müştərisi üçün tikiləcək.
Anbarın tutumu 200 min kubmetr olacaq. FLNG-nin 2027-ci ilin birinci rübündə müştəriyə təhvil verilməsi planlaşdırılır.
“Mark III Flex” texnologiyası artıq 60-dan çox mayeləşdirilmiş təbii qaz tankerində quraşdırılıb. Hazırda 34 belə gəmi istismardadır.
“GTT” (“Gaztransport & Technigaz”) şirkəti LNG tankerləri və quruda anbarlar üçün təzyiqli qaz saxlama sistemlərinin işlənib hazırlanması üzrə ixtisaslaşmışdır. Sızdırmazlıq sistemləri digər mayeləşdirilmiş qazların daşınması və saxlanması üçün də istifadə olunur.
