"Gəmidən-gəmiyə” ammonyak ötürmə sistemi inkişaf etdiriləcək
Norveçin “H2Carrier” və İsveçin “Trelleborg Gas Transfer” şirkətləri ammonyakın “gəmidən-gəmiyə” nəqlində əməkdaşlıq etmək üçün anlaşma memorandumu imzalayıblar.
“Seanews.az”-ın məlumatına görə, “H2Carrier” təmiz hidrogen və ammonyak istehsalı üçün “P2XFloater™” üzən qurğusunu işləyib hazırlayıb.
Şirkətlər dəniz layihələrində “P2XFloater™” əməliyyatları üçün təhlükəsiz, etibarlı və səmərəli ammonyakın paralel boşaldılması həllini hazırlamaq üçün əməkdaşlıq edəcəklər.
Konsepsiya “Trelleborg”-un inkişaf etdirdiyi “KLAW LNG” texnologiyasına əsaslanacaq. Bu texnologiya artıq bütün dünyada LPG əməliyyatlarının geniş spektrini dəstəkləyir və maye ammonyakın idarə olunması üçün təkmilləşdirilmişdir.
Şirkətlər “P2XFloater™”-də həyata keçiriləcək ən səmərəli ötürmə sisteminin sxemini və əməliyyat prosedurlarını müəyyən etmək üçün birlikdə işləyirlər.
“KLAW LNG” həlli “P2XFloater™”-dən göyərtəsində ekoloji cəhətdən təmiz ammonyak istehsalı və saxlanması üçün ammonyak ixrac terminalı kimi istifadə etməyə imkan verir və bununla da quruda infrastruktura ehtiyacı minimuma endirir.
"Biz “Trelleborg” ilə işləməyi və maye yaşıl ammonyakın “gəmidən-gəmiyə” ilk nəqlini səbirsizliklə gözləyirik",-deyə “H2Carrier” şirkətindən bildiriblər.
