"V.Group"un “ShipSure” dəniz rəqəmsal platformasının ASCO-da təqdimatı olub
Dünyanın aparıcı gəmi idarəetmə şirkətlərindən olan “V.Group” nümayəndələri təcrübə mübadiləsi məqsədilə ASCO əməkdaşları ilə keçirdikləri görüşdə “ShipSure” dəniz rəqəmsal platformasının təqdimatını ediblər.
“V.Group”un nümayəndələri bildiriblər ki, “ShipSure” 15 il əvvəl yaradılıb və bir sıra üstünlüklərə malikdir. Qlobal gəmi idarəetmə platforması ayrı-ayrı sahələr üzrə məlumatların (əməliyyat, texniki, maliyyə, biznes və donanma məlumatları) toplanmasında və müştərilərə çatdırılmasında mühüm rol oynayır.
İstifadə rahatlığı ilə seçilən proqrama iOS və ya Android cihazları, o cümlədən kompüterlər vasitəsilə daxil olmaq mümkündür.
© Materiallardan istifadə edərkən hiperlinklə istinad olunmalıdır
