"ABS" və "Persona" gəmiqayırmada insana bənzər robotların tətbiqi üçün əməkdaşlığa başlayır
Amerika Gəmiçilik Bürosu (ABS) və robototexnika şirkəti "Persona AI" gəmiqayırma sənayesində humanoid robotların istifadəsini araşdırmaq məqsədilə anlaşma memorandumu imzalayıb.
"Seanews.az" xəbər verir ki, ABŞ-də fəaliyyət göstərən şirkət artıq bir sıra sınaqlara başlayıb. Sınaqlar Cənubi Koreyanın "HD Hyundai" şirkəti ilə əməkdaşlıq çərçivəsində həyata keçirilir.
ABS ilə əməkdaşlıq çərçivəsində "Persona AI"-nin humanoid robot platformasında istifadə olunan və NASA-nın robotik əl texnologiyasına əsaslanan yoxlama texnologiyaları sınaqdan keçiriləcək.
Sabit sənaye robotlarından fərqli olaraq, humanoid modellər insanlar üçün nəzərdə tutulmuş istehsal mühitlərində fəaliyyət göstərə biləcək şəkildə hazırlanır.
Şirkətlərin açıqlamasına görə, bu xüsusiyyət onlara məhdud və ergonomik baxımdan çətin gəmiqayırma məkanlarında daha yüksək çeviklik və hərəkətlilik təmin edir.
Persona AI şirkətinin baş icraçı direktoru və həmtəsisçisi Nik Radford bildirib ki, humanoid robot texnologiyaları artıq uzaq bir gələcək ideyası deyil, sertifikatlaşdırılmış reallığa çevrilmək yolundadır.
