Sualtı robot istehsalçısı "NYK"-nin dəstəyi ilə 52 milyon dollar investisiya cəlb edib
Sinqapurun sualtı robot istehsalçısı "Neptune Robotics" 52 milyon ABŞ dolları məbləğində B seriyası investisiya raundunu uğurla başa çatdırıb.
"Seanews.az" investisiyaya strateji dəstəyi Yaponiyanın aparıcı gəmiçilik şirkəti "Nippon Yusen Kabushiki Kaisha" (NYK Line) təmin edib.
Yığılan vəsait tədqiqat və inkişaf (R&D) işlərinə, yeni robot sistemlərinin hazırlanmasına, süni intellekt əsaslı xidmət platformalarının yaradılmasına və 20 beynəlxalq bazara, o cümlədən potensial əsas mərkəz kimi Yaponiyaya genişlənməyə yönəldiləcək.
Şirkətin məlumatına görə, "Neptune" tərəfindən istehsal edilən sualtı robotlar gəmi gövdələrini ənənəvi üsullardan 3-5 dəfə daha sürətli təmizləyə bilir. Robot sistemi tam yüklü "Capesize" tipli gəmiləri 24 saat ərzində təmizləmək, 4 dəniz mili sürətlə hərəkət edən cərəyanlara qarşı işləmək qabiliyyətinə malikdir və həm gündüz, həm də gecə şəraitində, şəffaf və bulanıq sular daxil olmaqla fəaliyyət göstərə bilir.
Hazırda "Neptune" Asiyanın 61 limanında fəaliyyət göstərir və balker daşıyıcıları ilə konteyner donanmalarına xidmət göstərir.
"Neptune Robotics" gəmi gövdələrinin robot texnologiyaları ilə təmizlənməsi və enerji səmərəliliyinin optimallaşdırılması üzrə ixtisaslaşmış texnologiya şirkətidir.
