"ONE" Cənubi Çinin iki böyük limanında sahil elektrikindən istifadəyə keçir
"Ocean Network Express" (ONE) Cənubi Çin Böyük Körfəz bölgəsində yaşıl inkişaf təşəbbüslərini sürətləndirir.
"Seanews.az" xəbər verir ki, şirkət "Yantian International Container Terminals" və "China Merchants Port (South China) Operation Center" ilə alternativ dəniz enerjisinin — sahil elektrikinin tətbiqi üzrə əməkdaşlıq edəcək.
Gəmiçilik sənayesində emissiyaların azaldılması üçün əsas texnologiyalardan biri hesab olunan bu həll çərçivəsində "ONE"-in mobil sahil elektrik qutusu limandakı elektrik enerjisini gəminin dizel generatorlarından istehsal olunan enerji ilə əvəz edir. Bu proses istixana qazı emissiyalarının azalmasına, həmçinin limanda dayanma müddətində səs-küyün və yanacaq sərfiyyatının aşağı düşməsinə imkan verir.
"ONE"-in Honq Konq və Cənubi Çin üzrə direktoru Li Şenyuan bildirib: “Gəmiçilik sektorunda karbon neytrallığına nail olmaq bütün sənaye üzrə birgə səylər tələb edir və sahil elektrikinin genişmiqyaslı tətbiqi bu prosesin əsas hərəkətverici qüvvəsidir. Şenzenin "Yantian" və "Shekou" limanları ilə əməkdaşlıq "ONE"-in ESG strategiyasının tətbiqində mühüm addımdır və standartlaşdırılmış əməliyyatlarla gəmiçilik və liman sənayeləri arasında yaşıl, qarşılıqlı əməkdaşlıq modelinin formalaşmasına töhfə verəcək.”
