DNV və “World Maritime Merchants Forum” karbon neytrallığı bələdçisi yayıb
Norveç Verifikasiya Cəmiyyəti (DNV) və “World Maritime Merchants Forum” ESG komandası gəmiçilik şirkətlərinin dekarbonizasiya prosesinə uyğunlaşması üçün yeni bələdçi hazırlayıb.
"Seanews.az" xəbər verir ki, “Net-Zero Guide: Practical Approaches for Global Shipping Companies” adlı sənəd gəmi sahiblərinə dəyişən tənzimləmələr fonunda əməliyyat və investisiya qərarlarını uyğunlaşdırmaq üçün praktik yol xəritəsi təqdim edir.
"DNV Maritime" baş direktoru Knut Orbek-Nilssen bildirib ki, dekarbonizasiya sahəsində aparılan tədbirlər gəmiçilikdə rəqabət qabiliyyətini qoruyur və gələcək tələblərə uyğunlaşmanı sürətləndirir.
“China Merchants Energy Shipping” prezidenti Van Yonq Sin deyib ki, bələdçi mürəkkəb keçid dövründə şirkətlərə praktiki nümunələr təqdim edir və qısamüddətli əməliyyatlarla uzunmüddətli emissiya azaldılması hədəfləri arasında balans yaratmağa kömək edir.
Sənəd enerji səmərəliliyi tədbirləri, mərhələli yanacaq keçidi və donanmanın yenilənməsi kimi xərci optimallaşdıran addımları vurğulayır.
Bələdçi gəmi sahiblərini dekarbonizasiyanı əsas biznes strategiyasına daxil etməyə çağırır və uzunmüddətli dayanıqlı fəaliyyət üçün bazar mövqeyini gücləndirməyi hədəfləyir.
