"HMM" donanmasında süni intellekt əsaslı avtonom naviqasiya texnologiyalarını tətbiq edəcək
Cənubi Koreyanın aparıcı dənizçilik şirkəti "HMM" süni intellektə əsaslanan avtonom naviqasiya texnologiyalarını donanmasına inteqrasiya etmək məqsədilə "Avikus" şirkəti ilə müqavilə imzalayıb.
"HMM" həmçinin "HD Korea Shipbuilding & Offshore Engineering" və "Avikus" ilə birgə tədqiqat və texniki əməkdaşlığı əhatə edən Anlaşma Memorandumu da imzalayıb.
Razılaşmaya əsasən, "HMM" ilkin mərhələdə 40 gəmidə avtonom naviqasiya həllərinin tətbiqini planlaşdırır. Sistemlərin əməliyyat göstəricilərindən asılı olaraq, növbəti mərhələdə bu texnologiyanın bütün donanmaya genişləndirilməsi nəzərdə tutulur.
Layihənin əsas məqsədi real əməliyyat məlumatlarından istifadə etməklə, avtonom naviqasiya texnologiyalarının səmərəliliyini artırmaq və "HMM" donanmasının rəqabət qabiliyyətini gücləndirməkdir.
Bu çərçivədə "HMM" Avikus tərəfindən hazırlanmış, qavrama və qərarvermə funksiyaları ilə yanaşı birbaşa idarəetmə imkanlarını da özündə birləşdirən "HiNAS Control" sistemindən istifadə edəcək.
