Sualtı əməliyyatlar üçün yeni "stereo görüntüləmə" sistemi təqdim edilib
Sualtı texnologiyalar şirkəti “Voyis Imaging” real vaxt rejimində 3D qavrayış imkanına malik yeni "Discovery Stereo Perception" seriyasını nümayiş etdirib.
“Seanews.az” xəbər verir ki, bu sistem sualtı aparatların idarəetmə həssaslığını artırmaq və avtonom əməliyyatları dəstəkləmək üçün nəzərdə tutulub.
Şirkət bildirir ki, mövcud texnologiyalarda müəyyən boşluqlar var: önə baxan sonarlar yaxın məsafədə lazımi detalları göstərmir, tək kameralar (monokulyar) isə avtonom hərəkət üçün vacib olan 3D dərinlik məlumatlarını təmin edə bilmir. Yeni “Perception” seriyası isə bu problemi yığcam stereo görmə sistemi ilə həll edir.
Sistem real vaxtda ətraf mühitin üçölçülü xəritəsini yaradır və pilotlara gecikməsiz, yüksək dəqiqlikli video görüntülər təqdim edir. Obyektlərə qədər olan məsafəni və dərinliyi anında hesablayan texnologiya sualtı dronların avtonom hərəkətini və müəyyən nöqtədə sabit qalmasını təmin edir.
Yeni sistemin müxtəlif dərinliklər və platformalar üçün P300 və P3000 modelləri istifadəyə verilib.
