Yeni intellektual liman əməliyyat sistemi hazırlanacaq
"Disrupt-X" və "Delta Flow Global" şirkətləri qlobal limanlar üçün intellektual əməliyyat sistemi hazırlamaq məqsədilə tərəfdaşlıq müqaviləsi imzalayıblar. Bu əməkdaşlıq çərçivəsində mövcud "ALEF 360°" platforması liman operatorlarının ehtiyaclarına uyğunlaşdırılacaq.
"Seanews.az" xəbər verir ki, yeni platforma liman terminallarında texniki xidmətin və müəssisə aktivlərinin idarə olunması (EAM), eləcə də real vaxt rejimində əməliyyat görünürlüyünü təmin edəcək.
Bu texnologiya operatorlara texniki avadanlıqları, logistika zonalarını və kommunal xidmətləri vahid sistemdən idarə etməyə imkan verəcək ki, bu da ləngimələrin qarşısını almağa və texniki xidmət planlamasını təkmilləşdirməyə kömək edəcək.
Kompüterləşdirilmiş Texniki Xidmət İdarəetmə Sistemi (CMMS) və EAM funksiyaları sayəsində aktivlərin və işçi qüvvəsinin fəaliyyəti rəqəmsallaşdırılacaq.
