"Kongsberg Maritime"ın yeni maşın şöbəsi simulyatoru modeli DNV uyğunluq sertifikatı alıb
"Kongsberg Maritime" şirkətinin "Höegh Autoliners" şirkətinə məxsus "Aurora" sinifli flaqman gəmisi əsasında hazırladığı yeni maşın şöbəsi simulyatoru modeli DNV-dən uyğunluq sertifikatı alıb.
"Seanews.az" xəbər verir ki, tam audit və nümayişdən sonra verilən bu beynəlxalq təsdiq simulyatorun DNV-nin dənizçilik tələblərinə cavab verdiyini və mürəkkəb təlim proqramları üçün yüksək dəqiqliyə malik olduğunu sübut edir.
9 100 avtomobil daşıma qabiliyyətinə malik olan "Aurora" sinfli gəmilər 2040-cı ilə qədər xalis sıfır emissiyaya nail olmaq məqsədilə layihələndirilib və amonyak kimi təmiz yanacaqlarla işləməyə hazırdır. "Kongsberg Maritime" şirkəti bu gəmilərin avtomatlaşdırma, hərəkət sistemlərinin optimallaşdırılması və rəqəmsal həllərini təmin edən əsas texnoloji tərəfdaşdır. Yeni simulyatorun standart portfelə daxil edilməsi dəniz heyətlərinin bu mürəkkəb və ekoloji təmiz sistemləri gəmiyə addım atmazdan əvvəl dərindən öyrənməsinə şərait yaradacaq. Uyğunluq sertifikatı alındıqdan sonra "Höegh Aurora" modeli artıq dünya üzrə bütün təlim mərkəzlərində istifadə edilə bilər.
