Çin təkrar istifadə olunan raket gücləndiricisinin dəniz platformasına ilk uğurlu enişini həyata keçirib
Çin “CALT” (China Academy of Launch Vehicle Technology) təkrar istifadə olunan raket texnologiyasında mühüm nailiyyət əldə edib. "Long March 10B" raketinin birinci pilləsi ilk dəfə dənizdə yerləşən xüsusi platformaya uğurla eniş edib.
“Seanews.az” xəbər verir ki, bu məqsədlə hazırlanan platforma “SpaceX” və “Blue Origin” şirkətlərinin istifadə etdiyi dəniz eniş sistemlərinə bənzəsə də, fərqli texnologiyaya malikdir. Platformanın göyərtəsində yerləşdirilən xüsusi dayaq və robotlaşdırılmış tros sistemi enən raketi sabitləyərək təhlükəsiz şəkildə saxlayır.
Mütəxəssislərin fikrincə, təkrar istifadə olunan raket gücləndiricilərinin bərpası kosmik buraxılışların maya dəyərini əhəmiyyətli dərəcədə azaldır. “CALT” bildirir ki, bu, ABŞ-dən kənarda hazırlanmış belə bir sistemin ilk uğurlu dəniz enişidir və "Long March 10B" bu texnologiyanı ilk cəhddəcə uğurla nümayiş etdirib.
Şirkət hesab edir ki, yeni texnologiya Çinin kommersiya kosmik sənayesinin inkişafını sürətləndirəcək və orbitə yük daşınmasının xərclərini azaltmağa kömək edəcək.
