• Bakı, 2022-07-05,
Seanews
Heyder Eliyev

Yeni yanacaq sistemi - konteynerdə LNG

Dünyada  konstruktorlar LNG yanacağını “ekoloji cəhətdən təmiz” gəmilərə yükləmək üçün ən yaxşı variantlar axtarsalar da, qlobal təbii qazın qiymətinin artması ən qeyri-adi texnoloji həllərin səmərəliliyini heç edə bilər.

“Seanews.az” xəbər verir ki,  layihə Böyük Britaniyanın “Newport Shipping” və Almaniyanın “Marine Service” şirkətlərinin mütəxəssisləri tərəfindən birgə həyata keçirilib. Bu, naviqasiya zamanı yanacaq kimi istifadə olunan mayeləşdirilmiş qazın saxlanması üçün stasionar bort çənlərinin həcmindən mümkün imtina konsepsiyasına əsaslanır.

Bunun əvəzinə, LNG gəmilərə xüsusi konteynerlərdə çatdırılacaq. Bu üsulla “qablaşdırılan” qaz gəmidə yanğınsöndürmə sistemlərinin cəmləşəcəyi və maksimum təhlükəsizliyin təmin ediləcəyi ərazidə saxlanılacaq.

Yanacaq konteynerlərinin hər biri 33 kubmetr LNG tutacaq, onlara xidmət edən sistemlər isə həm tikilməkdə olan konteyner gəmilərində, həm də artıq istismarda olan bu tip gəmilərdə quraşdırıla bilər.

Yeni sistemi transokean nəhənglərindən tutmuş, “çay-dəniz”, o cümlədən nisbətən kiçik xətt gəmilərində də tətbiq etmək olar.


© Materiallardan istifadə edərkən hiperlinklə istinad olunmalıdır