Yeni nəsil gəmilər yaradılır
İstehsalçılar, yük sahibləri və gəmiçilik şirkətləri həm ənənəvi, həm də ekoloji cəhətdən təmiz yanacaqla işləməyə qadir olan yeni nəsil gəmilər yaratmaq üçün getdikcə səylərini birləşdirirlər.
“Seanews.az” xəbər verir ki,Xüsusilə, “Proman Stena Bulk”(əsas metanol istehsalçısı Proman və gəmi operatoru “Stena Bulk”-un birgə müəssisəsi) bu yaxınlarda metanolla işləmək üçün uyğunlaşdırılacaq altı “MR” tipli tankerdən birincisinin alındığını bildirib.
Dedveyti 49 990 ton olan gəmi Çinin “Guangzhou Shipyard International” tərsanəsində inşa edilib və “Stena Pro Patria” adlandırılıb. Eyni müəssisədə eyni tipli daha iki tanker - “Stena Pro Marine” və “Stena Promise” gəmiləri müxtəlif səviyyələrdə hazırdır. Onların sifarişçiyə təhvil verilməsi bu ilin sonuna planlaşdırılır.
Hazırda seriyanın ilk gəmisi Cənubi Koreyanın Ulsan limanına üz tutub və burada o, İspaniya Portuna (Trinidad) çatdırmaq üçün metanol yükü götürəcək. Gəmi həm ənənəvi yanacaqdan, həm də metil spirtindən istifadə edə biləcək.
Mütəxəssislərin fikrincə, gəmi ildə təxminən 12500 ton metanol yanacağı istehlak edəcək ki, bu da atmosferə karbon qazı və azot oksidlərinin emissiyasını əhəmiyyətli dərəcədə (60%-ə qədər) azaldacaq. Eyni zamanda, şirkət həm yanacaq, həm də ümumi istismar xərclərinin əhəmiyyətli dərəcədə azalacağına ümid edir.
Gələcəkdə operator öz donanmasına metanolla işləyən və metanola uyğunlaşdırılmış gəmiləri əlavə etməyə ümid bəsləyir.
