ADDA-da “Yanğın təhlükəsizliyi” təlimi keçirilib
ASCO-nun Azərbaycan Dövlət Dəniz Akademiyasının əməkdaşları üçün “Yanğın təhlükəsizliyi” mövzusunda təlim keçirilib.
İki gün davam edən təlimdə inzibati binalarda yanğınların baş vermə səbəbləri, elektrik cihaz və avadanlıqlarından istifadə edərkən yanğın təhlükəsizliyi qaydaları, yanğının qarşısının alınması və nəticələrinin çevik şəkildə aradan qaldırılması kimi məsələlərə toxunulub.
Təlimdə həmçinin yanğın təhlükəsi zamanı təxliyə planı üzrə simulyasiya hərəkətləri və ilkin yanğınsöndürmə vasitələrindən real istifadə qaydaları üzrə əyani məşğələlər keçirilib.
© Materiallardan istifadə edərkən hiperlinklə istinad olunmalıdır
