“Dəniz təbabəti ensiklopediyası” kitabı işıq üzü görüb
Həkim, ASCO-nun Sosial inkişaf və nəqliyyat departamentinin əməkdaşı Adıgözəl Məmmədovun müəllifliyi ilə "Dəniz təbabəti ensikopediyası" adlı kitab çap olunub.
Nəşrdə dənizçilərin sağlamlığı, fövqəladə hallarda tibbi yardımın təşkili, beynəlxalq tövsiyələr və təcrübəyə əsaslanan praktiki bilgilər geniş şəkildə təqdim olunur. Kitab həm gəmi heyəti, həm də dəniz nəqliyyatında çalışan sahil mütəxəssisləri üçün mühüm mənbədir.
Ümumdünya Səhiyyə Təşkilatının “Gəmi tibbi üzrə beynəlxalq rəhbər prinsiplər” sənədinin üçüncü nəşrinin əsasında hazırlanmış kitabın PDF variantı ASCO-nun rəsmi saytının “E-nəşrlər” bölməsinə yerləşdirilib və oxucular üçün açıq istifadəyə verilib.
Qeyd edək ki, "Dəniz təbabəti ensiklopediyası" Adıgözəl Məmmədovun dənizçilər üçün qələmə aldığı sayca altıncı kitabıdır. Bundan əvvəl o, “Dənizçilərin beynəlxalq standartlara uyğun tibbi müayinəsi haqqında məlumat kitabçası”, «Dənizçilərin sağlamlığının qiymətləndirilməsi zamanı beynəlxalq meyarlar”, “Açıq sularda ilkin tibbi yardımın göstərilməsi”, “Gəmi əczaxanasındakı dərmanlar və istifadə qaydaları” və “Gəmidə sanitar və karantin qaydaları” adlı maarifləndirici ədəbiyyatlar hazırlayıb.
