“ESG-nin ASCO strategiyası ilə uyğunluğu və biznesə təsirləri” mövuzunda təlim keçirilib
AZCON Holding şirkətlərindən olan ASCO-da “ESG-nin ASCO strategiyası ilə uyğunluğu və biznesə təsirləri” mövzusunda təşkil olunan silsilə təlim proqramı yekunlaşıb.
Təlimlərə şirkətin maliyyə və uçot, satınalmalar və KSƏTƏM sahələrində çalışan 20-dən çox əməkdaşı cəlb olunub.
Maarifləndirici proqram zamanı ESG standartlarının tətbiq sahələri, habelə onun ətraf mühitin qorunması, sosial məsuliyyətin təşviq olunmasına müsbət təsirlərindən bəhs edilib.
Təlimdə yeni məhsul və xidmətlərin yaradılması zamanı ESG standartlarının tətbiqi, ESG risklərinin şirkətin daxili prosedurlarına inteqrasiyası, milli öhdəliklərə və ESG hesabatlılıq tələblərinə ciddi riayət edilməsi, ESG üzrə məlumat strategiyasının hazırlanması və tətbiqi, iş yerində sağlam və təhlükəsiz əmək şəraitinin təşkili, şikayətlər, risklərin idarəedilməsi və hesabat sisteminin qurulması məsələləri əhatə olunub.
İnteraktiv formada təşkil edilən təlim proqramı “Galante Partners Consulting” MMC-nin təlimçiləri tərəfindən aparılıb.
