ADK-da Zəfər Günü və Dövlət Bayrağı Gününə həsr olunmuş tədbir keçirilib
ASCO-nun Azərbaycan Dövlət Dəniz Akademiyasının nəzdində fəaliyyət göstərən Azərbaycan Dənizçilik Kollecində (ADK) Zəfər Günü və Dövlət Bayrağı Günü münasibətilə tədbir keçirilib.
Tədbirdə əvvəlcə Vətənimizin ərazi bütövlüyü uğrunda qəhrəmancasına həlak olan şəhidlərimizin ruhu yad edilib.
Daha sonra ADK tələbələrinin hər iki əlamətdar günlə bağlı çıxışları dinlənilib. Bayram tədbirində 44 günlük Vətən müharibəsinin iştirakçılarından olan ADK məzunu Məftun Cavadov və hazırda burada təhsil alan Zamin Bağırov da iştirak edib.
Tədbirin sonunda çıxış edənlərə diplomlar təqdim olunub.
© Materiallardan istifadə edərkən hiperlinklə istinad olunmalıdır
