ASCO-da V.Group şirkətinin Dayanıqlılıq və dekorbanizasiya üzrə direktoru ilə görüş keçirilib
BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində ölkəmizdə səfərdə olan V.Group şirkətinin Dayanıqlılıq və dekorbanizasiya üzrə direktoru Matt Dunlopla ASCO sədri Rauf Vəliyev arasında görüş keçirilib.
Rauf Vəliyev görüş zamanı ASCO-nun dekorbanizasiya tədbirləri, xüsusilə karbon izinin azaldılması sahəsində qlobal standartlara uyğun fəaliyyəti, Ekoloji, Sosial və Korporativ idarəetmə siyasəti (ESG) barədə qonağa ətraflı məlumat verib.
Matt Dunlop yaşıl gəmiçilik siyasəti istiqamətində ASCO və V.Group arasında əməkdaşlıq perspektivlərini yüksək qiymətləndirib. O, dənizçilik sahəsində dayanıqlı inkişafın vacib olduğunu bildirərək, ətraf mühitin mühafizəsinə dair birgə layihələrin həyata keçirilməsinin əhəmiyyətini vurğulayıb.
Müzakirələr zamanı qeyd olunub ki, ASCO və V.Group arasındakı strateji əməkdaşlıq və təcrübə mübadiləsi hər iki tərəfə mühüm faydası ilə yanaşı, beynəlxalq miqyasda gəmiçiliyin inkişafına töhfə verir.
Görüşdən sonra qonaq “Suraxanı” gəmi-muzeyini ziyarət edərək, Azərbaycan və dünya gəmiçilik tarixini əks etdirən nadir eksponatlara tanış olub. Matt Dunlop dünyanın ilk tanker muzeyini ziyarətdən razı qaldığını bildirib və xatirə kitabına xoş təəssüratlarını yazıb.
