İsveçin yeni kəşfiyyat gəmisi dəniz sınaqlarına başlayır
İsveç Donanmasının siqnal kəşfiyyat imkanlarını artırmaq üçün 2017-ci ildə “Saab” şirkətindən sifariş edilən “HMS Artemis” kəşfiyyat gəmisinin dəniz sınaqlarına başlayıb.
Ordu.az xəbər verir ki, bu barədə şirkətin sosial media hesablarında məlumat yayılıb.
İsveç Müdafiə Nazirliyi 2017-ci ildə “Saab” şirkəti ilə ölkənin Hərbi Dəniz Qüvvələrinin siqnal kəşfiyyatı imkanlarını artırmaq üçün müqavilə imzalayıb. “Saab” şirkəti tərəfindən həyata keçirilən layihədə gəminin ilk polad kəsimi 2018-ci ilin mart ayında edilib. Bu çərçivədə “HMS Artemis” adı verilən gəmi Karlskronada dəniz sınaqlarına başlayıb.
“HMS Artemis”in xidmətə girməsi ilə 1984-cü ildən İsveç Donanmasında xidmətdə olan “HMS Orion”un istismardan çıxarılması planlaşdırılır.
“Yeni gəmi sələfindən daha uzun, hündür və enlidir. Ancaq hər şeydən əvvəl, hər cəhətdən daha inkişaf etmiş bir gəmidir”, - deyə şirkət qeyd edib.
