Gəmiqayırma zavodu sifarişçinin istismara qəbul edə bilmədiyi gəmini satır
Dekabrın 9-da “Helsinki Shipyard Oy” gəmiqayırma şirkəti quru dokda tamamlanan “SH Diana” gəmisinin satışı üçün tender keçirib. Müraciətlərə baxıldıqdan sonra tenderi yunan kruiz operatoru “Swan Hellenic” qazanıb.
“Seanews.az”ın məlumatına görə, Finlandiya gəmiqayırma zavodu sifarişçi gəmini istismara qəbul edə bilmədiyi üçün gəmini satmaq hüququndan istifadə edib.
Tenderdən sonra Finlandiya gəmiqayırma zavodu və “Swan Hellenic” şirkəti “SH Diana” gəmilərinin tamamlanması və avadanlığı üçün yeni müqavilə imzalayacaq. “Swan Hellenic” gəminin istismarını 2023-cü ilin martından planlaşdırır.
“Swan Hellenic” (qərargahı Nikosiya, Kipr) 2020-ci ilin iyul ayından kruiz biznesini bərpa edib. 2021-ci ilin dekabr ayında iki yeni beşulduzlu ekspedisiya kruiz gəmisi - “SH Minerva” və “SH Vega” suya salınıb. “PC 5” buzqıran sinfinə və 152 sərnişin tutumuna malik gəmilər 2022-ci ilin iyulunda istismara verilib. Satılan “SH Diana” gəmisi tonaj baxımından bir qədər böyükdür və” PC 6” buzqıran sinfinə malikdir və 192 sərnişini qəbul edə bilir.
“Swan Hellenic” şirkətinin baş ofisi Nikosiyada (Kipr) yerləşir. Şirkətin həmçinin Almaniya (Düsseldorf), ABŞ (Florida), Hindistan (Z. Benqal), Honkonq (Çin) və Avstraliyada (Sidney) nümayəndəlikləri var.
“Helsinki Shipyard Oy” Finlandiyanın paytaxtında yerləşir və çətin şəraitdə əməliyyatlar üçün ixtisaslaşmış gəmilərin tikintisi üzrə ixtisaslaşıb. Gəmiqayırma zavodu aşağı temperaturda istismar üçün buzqıran gəmilərin və digər yüksək buzqıran sinfinə aid gəmilərin layihələndirilməsi və tikintisi üzrə təcrübəyə malikdir. Arktika gəmiləri ilə yanaşı, şirkət sərnişin bərələri və kruiz gəmiləri inşa edir.
