10 filippinli dənizçi Hörmuz boğazından keçməkdən imtina edib
Liberiya bayrağı altında üzən “Dema M” ümumi yük gəmisinin 10 filippinli dənizçisi yüksək risk səbəbindən Hörmuz boğazından keçməkdən imtina etdikdən sonra təhlükəsiz şəkildə ölkələrinə geri qaytarılıb.
“Seanews.az” xəbər verir ki, dənizçilər sentyabrın 4-də Manilaya çatıb.
Filippin hökuməti dənizçilərin yüksək riskli ərazilərdən keçməkdən imtina etmək hüququnu tanıyır. Bu qərar avqustun 31-də “Bahri Sidr” VLCC tankerinə hücum zamanı iki filippinli dənizçinin həlak olmasından sonra yenidən gündəmə gəlib.
Həmçinin Filippinin Əməkçi Miqrantlar Departamenti (DMW) gəmi sahibləri və dənizçi heyəti agentliklərinə filippinli dənizçilərin Hörmuz boğazı kimi yüksək riskli ərazilərə üzməkdən imtina etmək hüququnu xatırladıb.
© Materiallardan istifadə edərkən hiperlinklə istinad olunmalıdır
