Yaponiya şirkəti tankerini karbon qazı tutma sistemi ilə təchiz edəcək
“Mitsui OSK Lines, Ltd” şirkəti ərzaq məhsulları daşıyan tankerini karbon qazını tutma mexanizmi - “Filtree” sistemi ilə təchiz etmək niyyətindədir. “Nexus Victoria” tankerinin dedveyti 75 min tondur.
Bu barədə “Seanews.az” “Marine Insight”-a istinadən xəbər verir.
Yapon operatoru ilk dəfədir ki, CO2 tutma sistemini xüsusi olaraq kommersiya məqsədləri üçün LR1 sinifli gəmiyə quraşdırır. “Filtree” sistemi CO2-nin təxminən 10%-ni işlənmiş qazlardan ayıra bilən karbon tutma və saxlama mexanizmi ilə təchiz edilmişdir. Bundan əlavə, o, işlənmiş qazlardan kükürd oksidlərinin və hissəciklərin 99%-ni təmizləyir.
İstilik yolu ilə ayrılmış karbon qazı sintetik yanacaq istehsalı zavodlarına, istixanalara və digər son istehlakçılara çatdırılacaq.
© Materiallardan istifadə edərkən hiperlinklə istinad olunmalıdır
