Elektriklə işləyən iki yedək və təchizat gəmisi inşa edilir
Sinqapurun “Kuok Maritime Group” (“KMG”) şirkəti “Coastal Sustainability Alliance” (“CSA”) ilə “PaxOcean Holdings” (“PaxOcean”) gəmiqayırma zavodunda elektriklə işləyən ilk yedək (PXO e-Tug) və təchizat gəmisini (“e-Supply Boat”) inşa etməyi planlaşdırdığını açıqlayıb.
“Seanews.az” xəbər verir ki, “PaxOcean”-ın press-relizində belə deyilir.
Elektriklə işləyən gəmilərin tikintisi “CSA” alyansının Sinqapurun dəniz əməliyyatlarını karbonsuzlaşdırmaq, dairəvi iqtisadiyyata doğru hərəkət etmək və dəniz təchizat zəncirlərini gücləndirmək çərçivəsində həyata keçirilir. Bu Sinqapurun ilk və ən böyük sıfır emissiyalı elektrik liman gəmiləri olacaq.
Gəmilər Sinqapur müəssisələrində layihələndiriləcək və tikiləcək. Liman donanmasının operatoru “Pacific Workboats” (“PWPL”) artıq elektrik yedək gəmisini almağı öhdəsinə götürüb. “KMG Group” (“Kuok Group”-a daxildir) elektrik dəstək gəmisinin tikintisinə və dəniz sınaqlarına sərmayə qoyur. Bir neçə “CSA” üzvü “PXO” seriyalı gəmilərin icarəyə verilməsi imkanlarını araşdırır.
Gəmilərin 2025-ci ildə istismara verilməsi planlaşdırılır.
“PaxOcean”-ın (“Kuok Group”-a daxildir) İndoneziya, Sinqapur və Çində böyük gəmiqayırma müəssisələri var.
