Metanol təchizatı sisteminin zavod sınaqları uğurla başa çatıb
“Dalian Marine Diesel”-in əsas mühərriki (“DMD”, “CSSC Power Group”-a daxildir - Çin Dövlət Gəmiqayırma Korporasiyası) Çinin ilk iki yanacaqlı aşağı sürətli metanol mühərriki olub.
“Seanews.az” xəbər verir ki, metanol təchizatı sisteminin zavod sınaqları bu yaxınlarda uğurla başa çatıb.
Yanacaq təchizatı sistemi “Headway Technology Group” tərəfindən hazırlanıb. Mühəndislər tərəfindən təklif olunan həllə müxtəlif modullar: metanol təchizatı, köməkçi istilik mübadiləsi sistemi, azot sistemi, nəzarət və təhlükəsizlik sistemi daxildir.
“Headway” avadanlığın tədarükü, quraşdırılması və istismara verilməsi kimi bir sıra əsas vəzifələri vaxtından əvvəl yerinə yetirib.
Şirkətlər bildiriblər ki, Çinin ilk aşağı sürətli ikili yanacaqlı metanol mühərrikinin uğurlu zavod sınaqları ölkənin dəniz enerjisi avadanlığı sektorunun inkişafına yeni təkan verəcək.
