Dünyanın ilk 1 meqavatt güclü ikiyanacaqlı hidrogen mühərriki işə salınıb
“AVS” və “SMV” şirkətləri “BeHydro” mühərriklərinin satışa çıxarıldığını elan ediblər. Hidrogenlə çalışan bu mühərriklər CO2 tullantılarını 85% azaldır. Bu inqilabi kəşf gəmilərin, qatarların və enerji generatorlarının kütləvi formada eko-sistemə keçməsinə səbəb ola bilər.
"Seanews.az" xəbər verir ki, son 3 ildə “BeHydro” 1 meqavatt güclü ikiyanacaqlı hidrogen-dizel mühərrikləri dəfələrlə uğurla sınaqdan keçirilib. Mövcud texnologiya əsasında daha güclü – 10 meqavattlıq mühərriklər də istehsal edilə bilər.
İkiyanacaqlı texnologiya sayəsində, bərpa olunan enerji və ya hidrogen olmasa da, mühərrik elektrik enerjisi verməyə davam edir.
Şirkət artıq 2 meqavatt güclü mühərrik üçün ilk sifarişini qəbul edib. Bu mühərrik Antverpen limanında istismar edilən, hidrogenlə çalışan dünyanın ilk “HydroTug” yedək gəmisidir.
2021-ci ilin sonuna qədər şirkət çoxyanacaqlı mühərriklərin istehsalını da planlaşdırır.
