“Fuzhou Mawei” tərsanəsində yeni təchizat gəmisinin sifarişçiyə təhvil verilməsi mərasimi keçirilib
“Fuzhou Mawei” tərsanəsində yeni “Brouwersgracht” seriyasından təchizat gəmisinin sifarişçi “Spliethoff Group” şirkətinə təhvil verilməsi mərasimi keçirilib.
Bu, “Spliethoff” tipli Dinamik Yerləşdirmə Sistemi (DP2) gəmilərindən birincisidir. İkinci gəminin təxminən üç ay ərzində təhvil veriləcəyini bildirib.
B tipi DP2 sistemi ilə təchiz edilmiş gəmilər bir sıra çoxfunksiyalı xüsusiyyətlərə malikdir.
Çoxməqsədli gəmilər ağır və böyük ölçülü yükləri təhlükəsiz şəkildə birbaşa dənizdə lazımi yerlərə çatdırmağa imkan verəcək.
Həm quruda, həm də dənizdə boruların müstəqil yüklənməsi və boşaldılması üçün gəmilər çıxarıla bilən avtomatlaşdırılmış portal kranı ilə təchiz edilmişdir. Gəmilərdəki yükqaldırma qabiliyyəti 500 ton olan iki “Huisman” kranı ağır yüklərin daşınmasına və dənizdə quraşdırılmasına imkan verəcək.
Təchizat gəmisi 12,5 min ton dedveytə, açıq göyərtəyə, təxminən 5,9 min kvadratmetr göyərtə sahəsinə, ümumi yüklər üçün böyük göyərtəaltı sahəyə malikdir.
Hər iki gəminin artıq 2024-cü ilin aprel ayına qədər boruların tədarükü və dənizdə quraşdırılması üçün sifarişləri var. Gəmilərin sahibi və operatoru bildirib ki, onlar “Spliethoff-un törəmə şirkətləri olan “Spliethoff” və “BigLift Shipping”-in texniki və kommersiya idarəçiliyinə veriləcək.
“Seanews.az”
