“Evergreen” 12500 konteyner sifariş edib
Tayvanın “Evergreen Marine Corporation” şirkəti Çin istehsalçısı “Singamas Container Holdings”-ə 12500 konteyner sifariş edib,
“Seanews.az”-ın məlumatına görə, müqavilənin dəyəri 34,3 milyon dollardır.
Yanvar ayında “Evergreen” 40 min konteyner almağı planlaşdırdığını açıqlamışdı. Eyni zamanda, 2022-ci ildə daşıyıcı Sinqapurdakı törəmə müəssisəsindən ümumilikdə 51,5 milyon dollar dəyərində 9,8 min yeni və təxminən 6,2 min işlənmiş konteyner alıb. Bundan əlavə, keçən il “Dong Fang International Container”-dən aldığı 7,8 min soyuducu konteyner “Evergreen” şirkətinə 65,2 milyon avroya başa gəlib.
Qeyd edək ki, “Evergreen” yaxın iki il ərzində donamasına 51 konteyner gəmisi qəbul edəcək.
© Materiallardan istifadə edərkən hiperlinklə istinad olunmalıdır
