"TCG ANADOLU" 10 apreldə istismara veriləcək
Türkiyənin "TCG ANADOLU" gəmisi aprelin 10-u Hərbi Dəniz Qüvvələrinin xidmətinə veriləcək.
Trend xəbər verir ki, bunu Ankarada MİLGEM proqramının 3 yeni freqatının inşasına dair müqavilənin imzalanması mərasimində çıxış edən Türkiyə Müdafiə Sənayesi İdarəsinin rəisi İsmayıl Dəmir bildirib.
Onun sözlərinə görə, hərbi gəmilərin 36 ay ərzində təhvil verilməsi planlaşdırılır.
"TCG ANADOLU" gəmisi mövzusuna qayıdan İ.Dəmir qeyd edib ki, "Bayraktar TB3" hücum dronlarının ölkənin ən böyük hərbi gəmisinin göyərtəsində yerləşdirilməsi ilə bağlı iş bu il yekunlaşacaq.
Bundan əlavə, "Hürjet" döyüş təlim təyyarəsi də gəminin platformasına enə biləcək.
Eyni zamanda, İ.Demir qeyd edib ki, "Anka-3" zərbə PUA-larının yerləşdirilməsi barədə danışmaq hələ tezdir.
