Koreyalı avtomobil istehsalçılarının daha çox avtomobil daşıyıcılarına ehtiyacı var
Cənubi Koreyanın gəmi sahibləri “Eukor Car Carriers”, “Hyundai Glovis” və “HMM” daha çox PCTC avtomobil daşıyıcıları inşa etməyi və ya almağı planlaşdırırlar.
“Seanews.az”-ın məlumatına görə, keçən həftə Koreya Gəmi Sahibləri Assosiasiyaları və Avtomobil İstehsalçıları arasında “Hyundai”, “Ssangyong”, “Renault Korea” və “GM Korea” avtomobil istehsalçılarına yükgötürmə qabiliyyətinin təmin edilməsini nəzərdə tutan anlaşma memorandumu imzalanıb.
“The Loadstar” qəzet yazır: “Bu il bir çox avtomobil istehsal edən ölkələr kimi, Cənubi Koreyada da ixrac artımı müşahidə olunub. “Koreya hökumətinin statistikasına görə, 2022-ci ildə pandemiyanın zəifləməsi fonunda avtomobil ixracı rekord səviyyəyə – 2,32 milyon ədəd, pul ifadəsində isə 54,1 milyard dollara çatıb”.
2019-cu ildən bəri yükdaşıma tariflərinin üç dəfə artmasına baxmayaraq, xüsusən 2020 və 2021-ci illərdə pandemiya illərində yeni avtomobil daşıyıcılarına kifayət qədər sərmayə qoyulmadığı və köhnə gəmilər ləğv edildiyi üçün tələb artmaqda davam edir,
Ciddi çatışmazlığı səbəbindən avtomobil istehsalçıları gəmilər tikir və öz gəmiçilik şirkətlərini yaradırlar. Belə ki, mart ayında Koreyanın konteyner daşıyıcısı “HMM Hyundai” –“ Glovis”-in nəqliyyat bölməsi üçün 8,6 min avtomobil daşıyan üç gəminin, Çinin avtomobil istehsalçısı “SAIC”-in logistika törəmə şirkəti 8,9 min avtomobil tutumlu yeddi gəminin tikintisini sifariş verib. Martın sonunda media “CMA CGM” konteyner xəttinin dörd avtomobil daşıyıcısını icarəyə götürmək niyyətində olduğunu bildirib.
