Asiya-Avropa xəttində konteyner gəmilərinin tutumu il ərzində 1 milyon TEU artıb
2024-cü il fevralın əvvəlində Asiya ilə Avropa arasında ticarətə xidmət göstərən konteyner daşıma marşrutlarında ümumi tutumu 6,33 milyon TEU olan 431 gəmi fəaliyyət göstərib. Bu da bir il əvvəlkindən 19% və ya 1 milyon TEU çoxdur.
Bu barədə “Seanews.az” “Alphaliner”-in məlumatlarına istinadən xəbər verir.
Konteyner gəmilərinin əlavə tutumunun təxminən yarısı “MSC” hesabına əldə edilib. Asiya-Avropa daşıma bazarının 22%-dən çoxuna nəzarət edən İsveçrə daşıyıcısı tonaj tədarükünü illik müqayisədə 54% artıraraq 1,4 milyon TEU-ya çatdırıb.
Bu bazar seqmentində daşıyıcıların təklifi 19%, artıb, Avropaya yük axınının həcmi isə 8% artıb. Bu fərq gəmilərin Ümid burnu ətrafındakı dolama marşruta məcburi yönləndirilməsi ilə izah olunur.
© Materiallardan istifadə edərkən hiperlinklə istinad olunmalıdır
