Daşıyıcılar ABŞ-dəki qeyri-müəyyənlik fonunda Atlantik tutumunu Kanadaya yönəldir
ABŞ-də tənzimləyici və bazar dəyişiklikləri ilə bağlı qeyri-müəyyənlik fonunda konteyner daşıyıcıları Atlantik marşrutlarında tutumun bir hissəsini Kanadaya yönəldir. Bu istiqamətdə birbaşa xidmətlərin tutumu illik müqayisədə 14 faiz artaraq 2,38 milyon TEU-ya çatıb.
“Seanews.az” xəbər verir ki, məlumatlara görə, Avropa–Şimali Amerika marşrutlarında ümumi təklif olunan tutum yanvar–sentyabr aylarında 4 faiz azalaraq 8,88 milyon TEU olub. ABŞ-yə birbaşa xidmətlər üzrə tutum 6 faiz azalaraq 5,69 milyon TEU-ya düşdüyü halda, Kanadaya dolayı xidmətlər 22 faiz artaraq 491 min TEU-ya çatıb.
Analitiklər tutum dəyişikliklərinin səbəbləri arasında ABŞ-də Çin istehsalı gəmilərə tətbiq ediləcək rüsumların noyabrda bərpa olunmasını və Kanada ilə ABŞ arasında davam edən ticarət gərginliyini göstərirlər.
Bununla yanaşı, Atlantik marşrutunda əsas istiqamətdə spot tariflər sentyabrın 18-nə olan məlumata əsasən, 40 futluq ekvivalent konteyner üçün 2 956 dollara yüksəlib. Bu göstərici İran münaqişəsinin başlamasından bəri 100 faiz artım deməkdir.
