Yaponiyada kruiz gəmisinin 30-dan çox heyət üzvü koronavirusa yoluxub
Yaponiyada “Costa Atlantica” kruiz gəmisinin 30-dan çox heyət üzvündə koronavirusa yoluxma faktı qeydə alınıb.
"Seanews.az" xəbər verir ki, gəmi martın 25-də Naqasaki limanına daxil olub. Gəmidə profilaktik və təmir işləri aparılacağı üçün sərnişin olmayıb. Bütün işlər başa çatdıqdan sonra limanı aprelin sonunda tərk etməli olan gəmidə komanda üzvlərindən biri koronavirusa yoluxub.
57 nəfər test edilib, onlarda 33-də nəticə pozitiv olub. Ümumilikdə, 34 nəfərin koronavirusa yoluxduğu qeyd edilir.
Naqasaki qubernatoru Hodo Nakamura koronavirusun yayılmaması üçün özünümüdafiə qüvvələrindən kömək istəyib.
© Materiallardan istifadə edərkən hiperlinklə istinad olunmalıdır
