Misirdə turist katerləri fəaliyyətini bərpa edib
İki həftəlik fasilədən sonra Misirin bütün şəhərlərində, Qırmızı dəniz akvatoriyasında turist katerlərinin hərəkətinə icazə verilib.
"Seanews.az" xəbər verir ki, Misir hökuməti taksi-qayıqların da hərəkətini bərpa etmək qərarına gəlib. Bununla belə, hər hansı gəminin çoxlu sayda sərnişin daşıması qadağan edilib.
Dənizdə sualtı qayıqların hərəkətinə, sörfinqə, dayvinqə və digər fərdi üzüşlərə qoyulan qadağa isə hələlik qüvvədə qalıb.
Misirdə aprelin 12-dən balıqçı qayıqları istisna olmaqla, bütün su nəqliyyatına məhdudiyyət qoyulmuşdu.
© Materiallardan istifadə edərkən hiperlinklə istinad olunmalıdır
