“Costa Magica” gəmisi virusa yoluxmuş heyətlə limana daxil olub
“Costa Magica” kruiz gəmisi İtaliyanın Adriatik dənizi sahilindəki Ankona limanına daxil olub.
"Seanews.az" xəbər verir ki, 617 nəfərdən ibarət heyət üzvü olan gəmidə 130 nəfərdə koronavirus infeksiyası aşkar edilib. Gəminin heyəti müxtəlif millətlərin nümayəndələrindən ibarətdir.
Gəmidə virusa yoluxmuş ilk 2 nəfər martın 14-də Qvadelupada sahilə endirilib. Daha sonra gəmi Mayami sahillərinə və Kanar adalarına üzüb.
Sözügedən gəminin sərnişinləri üçün sahilə yaxın ayrıca yataqxana ayrılıb. Gəmidə olan şəxslərin hamısı 24 saat fərqilə iki dəfə koronavirus üçün sınaqdan keçiriləcək. Nəticə məlum olmamış gəmini tərk etmək qadağan edilib.
© Materiallardan istifadə edərkən hiperlinklə istinad olunmalıdır
