Göyərtəsində 3 minə yaxın avtomobil olan yük gəmisində yanğın hələ də davam edir
Almaniyadan Misirə 2857 avtomobil daşıyan yük gəmisində baş verən yanğın hələ də davam edir.
Trend xəbər verir ki, Niderland sahillərində yanan gəmini söndürmək mümkün olmayıb.
Məlumata əsasən, hazırda gəmi ekipajsızdır, xilasedicilər onun batmasının qarşısını almağa çalışırlar.
Almaniyanın ətraf mühit naziri Şteffi Lemke tviter hesabında mütəxəssislərin xilasetmə planı hazırlamalı olduğunu vurğulayıb. O, Almaniyanın bu plana yardım etmək üçün bütün vasitələri təmin edəcəyini bildirib.
Qeyd edək ki, yük gəmisində yanğın iyulun 26-da baş verib. Yanğın zamanı 1 nəfər həlak olub.
© Materiallardan istifadə edərkən hiperlinklə istinad olunmalıdır
