Esminesin tikintisi başa çatıb
ABŞ-da tikintisi başa çatan ilk raket esminesi “Huntington Ingalls Industries” gəmiqayırma zavodunu tərk edib.
“Seanews.az” xəbər verir ki, oktyabrın 7-də gəmiyə adqoyma mərasimi keçiriləcək. Gəminin “Jack H. Lucas” adlandırılması nəzərdə tutulur.
“Flight III Arleigh Burke” sinfindən olan esmineslər mürəkkəb silahlar və sensorlar dəstindən istifadə etməklə quruda, dənizdə, havada və su altında hədəfləri məhv etməyə qadir olan çox missiyalı gəmilərdir. “Flight III” konfiqurasiyasına donanmanın döyüş qabiliyyətini əhəmiyyətli dərəcədə artıran AN/SPY-6(V)1 hava və raketdən müdafiə radarı daxildir.
“Huntington Ingalls Industries” gələcək “Ted Stevens” (DDG 128), “Jeremiah Denton” (DDG 129), “George M. Neal” (DDG 131) və “Sam Nunn” (DDG 133) esminesləri üzərində də işləyir.
