“Hengli Heavy Industry” ilk böyük tutumlu tanker (VLCC) üçün sifariş alıb
Əvvəllər “STX Dalian” kimi tanınan “Hengli Heavy Industry” ilk böyük tutumlu tanker (VLCC) üçün sifariş alıb.
“Seanews.az” xəbər verir ki, gəmiqayırma zavodu dedveyti 306 min ton olan iki tanker inşa edəcək. Gəmilərin istismara verilməsi 2025-ci ilin sentyabrına və 2026-cı ilin fevralına planlaşdırılır.
Yarandığı 2006-cı ildə “STX Dalian” sahəsinə görə dünyanın ən böyük gəmiqayırma müəssisəsi idi. 2014-cü ildə gəmiqayırma zavodu maliyyə böhranına görə müflis oldu və 20 min işçini işsiz qoydu. 2022-ci ildə “Hengli Group” şirkəti “STX Dalian”-ın aktivlərini 257 milyon dollara satın aldı.
Hazırda “Hengli Heavy Industry”-nin sifariş qovluğunda 30 gəmi var.
Son zamanlar VLCC tankerləri üçün sifarişlərin sayı artsa da, sifariş kitabçası aşağı olaraq qalır. “Eyni zamanda, qlobal gəmiqayırma zavodları öz imkanlarını tükəndirib və onların doklarında başqa növ gəmilər - əsasən qaz daşıyıcıları və konteyner gəmiləri tikilir”, - nəşr yazır.
“Clarksons Research"-in son məlumatlarına görə, hazırda bütün dünyada 18 tankerin tikintisi sifariş verilib. Bu da bu ölçülü aktiv donanmanın təxminən 2%-ni təşkil edir.
Dünyada VLCC tanker donanması köhnəlir. Nə gəmi sahibləri, nə də tərsanələr yeni VLCC tankerlərinin inşasında maraqlıdır.
