Yaponiyanın gəmiqayırma şirkəti ilə iki “Kamsarmax” tipli quru yük gəmisinin tikintisi üçün müqavilələr imzalanıb
Yaponiyanın “Tsuneishi Shipbuilding Co.” gəmiqayırma şirkəti Tokio korporasiyası “ITOCHU” və “Kiprin Safe Bulkers” gəmiçilik şirkəti ilə metanol və az kükürdlü mazutla işləməyə imkan verən iki yanacaqlı mühərriklərlə təchiz olunacaq iki “Kamsarmax” tipli quru yük gəmisinin tikintisi üçün müqavilələr imzalayıb.
“Seanews.az” xəbər verir ki, bu barədə gəmiqayırma şirkətinin mətbuat xidməti məlumat yayıb.
Gəmilərin 2026-cı ilin ikinci yarısında və 2027-ci ilin birinci yarısında tikilib istifadəyə verilməsi planlaşdırılır.
Xirosimadan bir gəmiqayırma şirkəti mühərrikləri “yaşıl” metanolla işləyəcək gəmi layihəsi üzərində tədqiqat və təkmilləşdirmə işləri aparıb. 2023-cü ilin yanvarında tərsanə ekoloji cəhətdən təmiz yükdaşıyanlar üçün ilk sifarişlərini aldı.
“Safe Bulkers Inc.” quru yüklər daşıyıcısının baş ofisi Kiprdə yerləşir, Yunanıstan, Monako və Cenevrədə nümayəndəlikləri var. Toplu daşıyıcı donanmasının modernləşdirilməsi çərçivəsində o, əvvəllər Yaponiya tərsanələrindən bir neçə ekoloji cəhətdən təmiz gəmi sifariş etmişdi.
“Tsuneishi Shipbuilding” (“Tsuneishi” qrupunun əsas şirkəti) gəmilərin tikintisi və təmiri üzrə ixtisaslaşmışdır. O, əsasən “Kamsarmax” ölçülü gəmilər tikir və artıq bütün dünyada 350-dən çox belə gəmisi istismar olunur.
