“Maersk” və “ONE” yeni konteyner gəmiləri sifariş etməyi planlaşdırırlar
“Maersk” Çin tərsanələrinə 3,5 min TEU tutumlu və metanolla işləyən 15-ə qədər konteyner gəmisi tikmək üçün sorğu göndərib.
Bu barədə “Splash” nəşri “Alphaliner”-in məlumatlarına istinadən xəbər verir.
“Maersk” metanolla işləyən gəmilərin tikintisi üzrə sifarişlərə görə liderdir. İyun ayında daşıyıcı artıq 9 min TEU tutumlu bir sıra konteyner gəmilərinin tikintisi üçün müqavilə imzalayıb. 2027-ci ilə qədər “Maersk”-in donanmasına metanolla işləyən 25 gəmi qoşulacaq. “Alphaliner”-in qeyd etdiyi 15 konteyner gəmisi bura daxil deyil”, - nəşr yazır.
Yaponiyanın “ONE” gəmiçilik şirkəti də həm ənənəvi yanacaq, həm də metanolla işləyən 13 min TEU tutumlu 10-a qədər konteyner gəmisinin tikintisi üçün müraciət edib.
Ümumilikdə, metanolla işləyəcək konteyner gəmilərinin payı bu il sifariş edilən bütün konteyner gəmilərinin 52%-ni təşkil edir.
